Thursday, October 11, 2007

ဖုန်မှုန့်များ တိုက်ပွဲများ စိန်မှုန်ပွင့်များ

ကျမတို့ တိုင်းပြည်တွင်း ဖြစ်ပေါ်နေသော ရွှေဝါရောင်တော်လှန်ရေး ကို အရုပ် အသံ များနှင့် တွေ့မြင် သိရှိခဲ့ရပါသည်။ အသက်စွန့်လွှတ်သွားခဲ့သူ ရဟန်းသံဃာ ကျောင်းသားပြည်သူအပေါင်းကို လေးစားစွာ ဦးညွှတ်ရင်း၊ မိမိအတ္တတွေကို တော်လှန်ရင်း အနိုင်ယူကာ၊ စိတ်ဓါတ်စစ်ဆင်ခြင်းဖြင့် ရန်သူ နအဖကို တုန်လှုပ်စေသည့် သူရဲကောင်းများအဖြစ် သတ်မှတ်ဂုဏ်ယူမိပါသည်။ ကျောင်းသားတပ်မတော် ရဲဘော်တဦးရဲ့ ပရင့်ထုတ်ထားသော ဒီဆောင်းပါးကို ဖတ်ရှုမိပြီး ရရှိခံစားလိုက်ရမှုကို မျှဝေပေးချင်စိတ်ဖြင့် ပြန်လည် တင်ပြလိုက်ခြင်း ဖြစ်ပြီး စကားလုံးတိုင်း စာကြောင်းတိုင်းကို သေချာခံစား နားလည်ပေးနိုင်ခဲ့လျှင် ဝေမျှရကျိုးနပ်ပါသည် ဟု ဆိုချင်ပါသည်။
ဖုန်မှုန့်များ တိုက်ပွဲများ စိန်မှုန်ပွင့်များ

မကြာမီက အပစ်အခတ်ရပ်စဲရေး အဖွဲ့တခုအတွင်းမှ တိုက်ဖော်တိုက်ဖက်ဟောင်း တဦးနှင့် ကျနော် စကားလက်ဆုံကျ ဖြစ်ခဲ့ပါသည်။ အပစ်အခတ်ရပ်စဲရေးနှင့် အတူပါလာသော ခေတ်ပျက်ဇောတိကများက အာဇာနည်တို့၏ အရိုးပုံပေါ်တွင် အတ္တနိဗ္ဗာန်ဘုံ တည်ဆောက်နေကြကြောင်း သူက ကြေကွဲဝမ်းနည်းစွာ ညည်းတွား ပြောဆိုခဲ့ပါသည်။

ကျနော်သည် သူ၏နာကျင်မှုဝေဒနာကို နားလည်မျှဝေ ခံစားခဲ့ပါသည်။ တချိန်တည်းမှာပင် အာဇာနည်များထဲမှ ကျနော်လေ့လာ သင်ယူခဲ့ဖူးသော လောကသစ္စာ စိန်မှုန်ပွင့်များကိုလည်း ဆင်ခြင် အောက်မေ့မိပါသည်။
အထက်တန်းကျောင်းသား အရွယ်လောက်မှစ၍ ‘ဘ၀အနက်အဓိပ္ပာယ်’ အမှန်တရားကို သိနားလည်လိုသော အာသာဆန္ဒ ကျနော့်ရင်မှာ ကိန်းအောင်နေခဲ့ပါသည်။ အဖြေတွေ့နိုးနိုးနှင့် လက်လှမ်းမီသမျှစာအုပ်များ၊ လူပုဂ္ဂိုလ် ဆရာသမားများထံ ကျနော်ဆည်းကပ်ခဲ့ပါသည်။ ရိုးသား စွာဝန်ခံရလျင် ရလာသမျှအဖြေများက ကျနော်၏ဆာလောင်မှုကို မပြေပျောက်စေခဲ့ပါ။ ရင်သည် အလိုမပြည့်မှုဖြင့် လစ်ဟာနေခဲ့ပါသည်။

နောင်အခါကျမှသာ ‘ဘ၀ဆိုသည် တရားမျှတမှုကို ထိန်းသိမ်းခြင်းနှင့် မတရားဖိနှိပ်စော်ကားမှုကို ပုန်ကန် တော်လှန်ခြင်း’ ဖြစ်ကြောင်း ကျေနပ်စွာ လက်ခံယုံကြည်နိုင်ခဲ့ပါသည်။ ထိုယုံကြည်မှုကပင် ကျနော့်အား သူပုန် တပ်သား ဘ၀သို့ ပို့ဆောင်ပေးခဲ့ခြင်း ဖြစ်ပါသည်။

လက်တွေ့ တိုက်ပွဲစစ်မြေပြင်တွင် အဖိနှိပ်ခံပြည်သူအပေါင်း၏ မျက်ရည်များ၊ သွေး၊ ချွေး၊ အသက်များ အဆမတန် စတေးခဲ့ရသည်ကို မြင်တွေ့ လိုက်ရသောအခါ အမှန်တရားအတွက် ပေးဆပ်ရသည့်တန်ဖိုးကား ကြီးမားလွန်းလေစွဟူသော အသိတခု ဖြစ်ပေါ်လာပါသည်။ ထိုအသိက ကျနော့်အား ပုစ္ဆာသစ်တခု ပေးလာ ပါသည်။

‘အမှန်တရားအတွက် အသက်စွန့်ဖို့ အသင့်ဖြစ်ရဲ့လား။’ ထိုမေးခွန်းသည် ကျနော့်အတွက် ထိုစဉ်က တုန်လှုပ် ချောက်ချားဖွယ် အမှန်တရားတခု ဖြစ်ခဲ့ပါသည်။ သေခြင်းတရား၏ ရက်စက်မှုဖြင့် စိုထိုင်းအေးစက်နေသော လက်ချောင်းများက ကျနော်၏လည်ပင်းကို ပွတ်သပ်ကျီစယ် လိုက်သလို ခံစားခဲ့ရပါသည်။

‘အသင့်ရှိသူ အသက်စွန့်၍ အသင့်မရှိသူ ကြောက်ဒူးတုန်၏။’
‘ကိုယ်ကျိုးစွန့်သူအနိုင်ရ၍ ကိုယ်ကျိုးကြည့်သူ အညံ့ခံ၏။’
ဤသည်မှာ လက်တွေ့တိုက်ပွဲအတွင်းမှ အငြင်းမထွက်သော အမှန်တရားဖြစ်ပါသည်။
ကျနော်သည် ဖိနှိပ်မှုကို ကြောက်ဒူးတုန်အရှုံးပေးသူ မဖြစ်ချင်ခဲ့ပါ။ အသက်စွန့်ရန် အသင့်ရှိပြီး အနိုင်ရသူသာ ဖြစ်ချင်ခဲ့ပါသည်။ ဤတွင် ကျနော့်ကိုယ်တွင်း၌ ပဋိပက္ခတိုက်ပွဲပေါ်ပါသည်။ ကျနော့် အသိဉာဏ်က ကိုယ်ကျိုးစွန့်ဖို့ တောင်းဆိုပြီး ကျနော့်အတ္တက ငြင်းဆန်ပါသည်။

မတရားမှုမှန်သမျှကို တိုက်ရသောတိုက်ပွဲသည် မိမိကိုယ်တွင်းမှ အတ္တစိတ်ကို တိုက်ရသော တိုက်ပွဲနှင့် ခွဲမရကြောင်း ထင်ရှားလာပါသည်။ အတ္တစိတ်ကို အနိုင်မတိုက်နိုင်လျှင် မတရားမှု ဆန့်ကျင်ရေးတိုက်ပွဲကိုလည်း ဆုံးခန်းတိုင်ပါဝင်ရေးမှာ မဖြစ်နိုင်ပါ။ မတရားမှု ဆန့်ကျင်ရေး တိုက်ပွဲတွင် မပါဝင်ဘဲ မိမိအတ္တစိတ်ကိုလည်း အနိုင်တိုက်နိုင်မည် မဟုတ်ပါ။ ထိုနှစ်ခုသည် အသက်နှင့် ခန္ဓာလို နှစ်ခုပေါင်းမှ တခုဖြစ်ပါသည်။

ကျနော်သည် စစ်အာဏာရှင်စနစ်ကို ဆန့်ကျင်တိုက်ပွဲဆင်ရင်း မိမိကိုယ်တွင်းမှ အတ္တစိတ်ကို ချေမှုန်းရန် ပြင်ဆင်ရပါတော့သည်။
အတ္တချေမှုန်းရေးတိုက်ပွဲသည် ပုပ္ပါးတောင်ကို ဖြိူရသလို ဖြစ်လေမလား။

ကျနော့်အာရုံတွင် အာဇာနည်များ၏ပုံရိပ် ဖျတ်ခနဲ လင်းလက်လာပါသည်။ ကျနော်တို့တိုင်းပြည်သည် အာဇာနည်များ မွေ့လျော်ရာ တိုင်းပြည်ဖြစ်ပါသည်။ ပြာလဲ့ကြည်လင်သော တိမ်စင်နွေည မိုးကောင်းကင်တွင် သူတို့ကို အစဉ်မြင်တွေ့နိုင်ပါသည်။ သူတို့သည် သမိုင်းခေတ်အဆက်ဆက် မတရားဖိနှိပ်စော်ကားမှု မှန်သမျှကို ဆန့်ကျင်ပုန်ကန်ခဲ့ကြသော သူရဲကောင်းများ ဖြစ်ကြပါသည်။ ကျနော်တို့ကသာ အမှန်တရားအပေါ် သစ္စာစောင့်သိပါက ကျနော်တို့ရင်ထဲမှ သူတို့၏ သစ္စာစကားသံကို အမြဲတစေကြားနေနိုင်သည်သာ ဖြစ်ပါသည်။ သူတို့အကူအညီကို ရယူနိုင်သည်သာ ဖြစ်ပါသည်။

သူပုန်တယောက်ဖြစ်သော ကျနော်သည် ဓမ္မတာပင် တကျွန်းနှင့် အကျဉ်းထောင်အုတ်ရိုး အတွင်း နှစ်ကာလအတန်ကြာ နေခဲ့ရပါသည်။ တောပန်းတောင်ပန်းတို့ ဝေနေအောင်ပန်ထားလေ့ ရှိသည့် ရှမ်းရိုးမ တောင်တန်းပေါ်တွင် ပြောက်ကျားစစ်သည်တဦးအဖြစ် ဆယ်စုနှစ်တခုကျော်ကြာ လှည့်ပတ်လှုပ်ရှား တိုက်ခိုက်ခဲ့ဖူးပါသည်။

အကျဉ်းထောင်၌ဖြစ်စေ ပြောက်ကျားစစ်မြေ၌ဖြစ်စေ သေအံ့မူးမူး တိုက်ဖော်တိုက်ဖက်များကို ကျနော်ကြိမ်ဖန် များစွာ တွေ့ခဲ့ဖူးပါသည်။ အချို့ ကျနော့်ရင်ခွင်ထက်မှာပင် နောက်ဆုံးထွက်သက်ကို ရှူထုတ်သွားခဲ့ကြပါသည်။ ထိုအတွေ့အကြုံများက ကျနော့်အား သင်ကြားပေးခဲ့သည်မှာ သေခြင်း တရားသည် ကျနော်တို့ ထင်ထားသည်ထက် ပိုမိုရိုးစင်းသည် ဆိုသောအချက်နှင့် အတ္တကင်းစင် ကြည်လင်နေသော သူတို့၏ စိတ်ဓာတ်က ကျနော်တို့ကို အစဉ်နိုးကြား နေနိုင်စေစွမ်းရှိသည်ဆိုသော အချက်ဖြစ်ပါသည်။

ကျနော်တို့ကိုချန်ထားရစ်ကာ အမည်မသိ ဝေးလံရာတနေရာသို့ ထွက်ခွာသွားကြသယောင် ထင်ရသော်လည်း ကျနော်တို့ နှလုံးသားထဲတွင် ဆက်လက်ရှင်သန်နေသူများ ဖြစ်သည်ဆိုသော အချက်ဖြစ်ပါသည်။

သူတို့သည် အဖိနှိပ်ခံလူထုကြီး၏ တရားသောတိုက်ပွဲတွင် ပါဝင်ရင်း သူတို့ကိုယ်သူတို့ မှန်ကန်စွာ ရှာဖွေ တွေ့ရှိသွားသူများ ဖြစ်ပါသည်။ သူတို့ကိုယ်သူတို့ အသိရှိစွာ အသစ်တဖန် ပြန် လည် တည်ဆောက် ခဲ့ကြပါသည်။ သူတို့၏ ခန္ဓာကလာပ်စည်းများ၊ သွေးကြောခက်မြွှာများအတွင်း လှည့်ပတ်ပုန်းခိုနေသော အတ္တစိတ်ကို နောက်ဆုံးထွက်သက်အထိ သတိရှိရှိ တိုက်ပွဲဆင်ခဲ့ကြပါသည်။တိုက်လိုက်ရှုံးလိုက်၊ ထပ်တိုက်လိုက်ထပ်ရှုံးလိုက်နှင့် နောက်ဆုံးတွင်သူတို့ အောင်ပွဲရသွားခဲ့ကြပါသည်။ သူတို့သည် လူ့အဖွဲ့အစည်း ဟောင်းကို ပုန်ကန်ပြောင်းလဲရင်း သူတို့ကိုယ်သူတို့ ပြောင်းလဲပစ်နိုင်စွမ်းရှိသူများ ဖြစ်ပါသည်။ သူတို့သည် အဖိနှိပ်ခံလူသားထုကြီး ချစ်သောအရာကို ချစ်ပြီး မုန်းသောအရာကို မုန်းတတ်ခဲ့ကြပါသည်။ လူထုကြီး ငိုကြွေးသောအခါ သူတို့ ငိုကြွေးကြပီး ရယ်မောပျော်ရွှင်သော အခါသူတို့လည်း ပျော်ရွှင်ရယ်မော ခဲ့ကြပါသည်။သူတို့နှင့်လူထုကြီးအကြား ခြားနားထားသော ဟင်းလင်းပြင်သည် တစတစ ပါးလျား ပျောက်ကွယ် သွားကာ အဆုံး၌ သူတို့သည် လူထုကြီးအဖြစ် လူထုကြီးသည် သူတို့အဖြစ် အပြန်အလှန် ပျော်ဝင်ပေါင်းစည်း သွားကြပါသည်။ လူထုကြီး၏ တန်ခိုးအင်အားမှန်သမျှ သူတို့တဦးချင်းစီ၏ အင်အားအဖြစ် ခုန်ကူးပြောင်း လဲကာ ထိုတန်ခိုးအင်အားမှန်သမျှကို လူထုကြီး၏ တရားသောတိုက်ပွဲအတွက် ပေးဆပ်ခဲ့ကြပါ သည်။

အဖိနှိပ်ခံလူထုကြီး၏ တရားသောတိုက်ပွဲနှင့်ကင်း၍ ကျနော်တို့ ကိုယ့်ကိုယ်ကို မှန်ကန်စွာ ရှာဖွေတွေ့ရှိရန်၊ အသစ်တဖန် ပြန်လည်တည်ဆောက်ရန် မဖြစ်နိုင်ကြောင်း ကျနော်တို့အား သိမြင်လာစေပါသည်။

သူတို့သည် အခြားသူများနည်းတူ ဘ၀ကို ချစ်ခင်တွယ်တာတတ်သော မွေးရာပါဗီဇစိတ် ရှိကြသည်သာ ဖြစ်ပါသည်။ အတ္တမြူမှုန်တို့ဖြင့် ဖုံးအုပ်ညစ်ထေးနေသော ထိုဗီဇစိတ်ကို ကိုယ်ပိုင် နိုးကြားမှုအသိစိတ်ဖြင့် တိုက်ပွဲဆင်ဆေးကြောရန် လိုအပ်ကြောင်းကိုလည်း သူတို့ သိမြင်ခဲ့ကြပါ သည်။ ဤသည်မှာ တိုက်ပွဲအတွင်းမှ ရရှိထားသော သူတို့၏ ကိုယ်ပိုင်အသိပညာ ဖြစ်ပါသည်။ လူပုဂ္ဂိုလ်တဦးချင်း၏ အသိဆိုင်ရာ အတိမ်အနက်ကို ဖော်ပြခြင်းလည်း ဖြစ်ပါသည်။ အတ္တဗီဇစိတ် ကို တိုက်ချွတ်သန့်စင်နိုင်သည်နှင့်အမျှ ဘ၀အပေါ် သစ္စာရှိစွာ ခင်တွယ်တတ်သလို သစ္စာရှိစွာပင် စွန့်ခွာနိုင်စွမ်းရှိကြောင်း ကျနော်တို့အား နားလည်လာစေပါသည်။

မိမိဘ၀ကို ချစ်ခင်တွယ်တာခြင်းသည် လူ့အဖွဲ့အစည်းကြီးအပေါ် ချစ်ခင်တွယ်တာခြင်းနှင့် ခွဲခြားမရကြောင်း၊ လူ့အဖွဲ့အစည်းသည် ပန်းတရုံဖြစ်လျှင် လူသားသည် ပန်းတပွင့်ဖြစ်ပြီး၊ ပန်းရုံ မရှိဘဲ ပန်းမပွင့်နိုင်သလို ပန်းများ မပွင့်သော ပန်းရုံသည် မတင့်တယ်နိုင်ကြောင်း သူတို့၏ လက်တွေ့ လုပ်ဟန်များဖြင့် ကျနော်တို့၏ အသိတရားကို လေးနက်စေပါသည်။ သူတို့သည် လူ့အဖွဲ့အစည်းကြီး၏ ကောင်းကျိုးချမ်းသာအတွက် အသက်ရှင်နေထိုင်ခဲ့ကြပြီး ထိုအတွက်ပင် အသိရှိစွာ သေဆုံး ခဲ့ကြပါသည်။ သူတို့၏ ချစ်သူဇနီးမယားများ၊ မိဘမောင်ဖွား အဆွေခင်ပွန်းများ၊ ရဲဘော် ရဲဘက်များ စသည့် ချိုမြစွာနှောင်ဖွဲ့ထားသော ရွှေရောင် သံယောဇဉ်ပိုးကြိုးများကို ညင်သာစွာ ဖြေလျော့သိမ်းဆည်းကာ တရားမျှတမှုအတွက် သေခြင်းတရားနှင့် စီးချင်းထိုးခဲ့ ကြပါသည်။ သူတို့သည် အသက်ရှင်နေစဉ်မှာပင် ရိုးစင်းသော သေခြင်းတရား၏ လျို့ဝှက်ချက်ကို သိမြင်ကာ ကြောက်ရွံ့ခြင်း ကင်းခဲ့ ကြပါသည်။ အတ္တအညစ်အကြေး စင်ကြယ်သောစိတ်သည် သေခြင်းတရား၏ ရိုးစင်းမှုနှင့် လျို့ဝှက်ချက်ကို နားလည်စေနိုင်ကြောင်း၊ အတ္တနှင့်ကင်းလေ အမှန်တရားနှင့် ပိုနီးလေဖြစ်ကြောင်း သူတို့ ၏ စွန့်လွှတ်မှု အတိုင်းအတာ အမျိုးမျိုးဖြင့် ပြသခဲ့ကြပါသည်။

လူအတော်များများအတွက် အနာဂတ်သည် ရောက်မလာသေးသော မရေမရာ အာရုံရိပ်တခု ဖြစ်နေတတ်ပါသည်။ သို့မဟုတ် ဝေးလံသီခေါင်သော မိုးကုပ်စက်ဝိုင်းတံစက်မြိတ်မှေ၀၀ါးဝါး အလင်းတစ ဖြစ်နေတတ်ပါသည်။ သူတို့အဖို့မူ အနာဂတ်သည် သူတို့နှလုံးသားထဲမှ ရှိနေနှင့်ပြီး ထွန်းသစ်စနေတစင်း ဖြစ်ပါသည်။ သူတို့၏ ထက်သန်သော အနာဂတ်အပေါ် ယုံကြည်မှုက အနာဂတ်ကာလတွင်မှ ရရှိမည့် ဆုလာဘ်ကို ပစ္စုပ္ပန်မှာပင် သူတို့အား ချီးမြှင့်အပ်နှင်းလိုက်ပါသည်။ ထိုဆုလာဘ်မှာ တော်လှန်သော သူရဲကောင်းတို့၏ အောင်ပွဲခံစိတ်ဓာတ် ဖြစ်ပါသည်။ အနာဂတ် အောင်ပွဲအပေါ် သံသယရှိသူများ နားမလည်နိုင်သော အရာပင်ဖြစ်ပါသည်။

သူတို့သည် ‘အမှောင်တွင်း၌ ကျိန်စာသင့်ပြီး အသက်ရှင်ရခြင်းထက် အလင်းရောင်ကို ရှာဖွေရင်း သေရသည် ကမှ မြတ်သေးသည်’ ဟူသော အမှန်တရားကို သစ္စာရှိစွာ ယုံကြည်နိုင်စွမ်းရှိသူများ ဖြစ်ပါသည်။ သူတို့သည် အလင်းရောင်ကို ရှာဖွေရင်း သူတို့ကိုယ်တိုင်ပင် အလင်းအဖြစ် အဆန်း တကြယ် ပြောင်းလဲသွားခဲ့ကြပါသည်။ အမှန်တရားကို ရှာဖွေရင်း သူတို့ကိုယ်တိုင်ပင် အမှန်တရား ဖြစ်သွားကြပါသည်။

အလင်းသည် သူကိုယ်တိုင်က အလင်းဖြစ်မှသာ အခြားအရာများအတွက် အလင်းရောင်ဖြန့် ဝေပေးနိုင်ပါသည်။ အမှန်တရားသည် သူကိုယ်တိုင်က မှန်နေမှသာ အခြားအရာများကို အမှန်မြင် လာအောင် သင်ကြား ပေးနိုင်ပါသည်။ အာဇာနည်များသည် သူတို့၏ကိုယ်ပိုင်အလင်း၊ ကိုယ်ပိုင် အမှန်တရားများဖြင့် လူသားတို့၏ အနာဂတ်ခရီးကို လမ်းပြနိုင်ကြပါသည်။

အဓိပ္ပာယ်တခုအရ အာဇာနည်ဆိုသည်မှာ ပုဂ္ဂိုလ်မဟုတ်ပါ၊ အစုအပေါင်းဖြစ်ပါသည်။ မပြည့်စုံမှု မဟုတ်ပါ၊ ပြည့်စုံမှုဖြစ်ပါသည်။ မှားယွင်းမှုမဟုတ်ပါ၊ မှန်ကန်မှုဖြစ်ပါသည်။ အမှောင်ထဲက မမြင်ရသောအရာ မဟုတ်ပါ၊ ကိုယ်ပိုင်အလင်းဆောင် ကြယ်တာရာဖြစ်ပါသည်။ နှိုင်းယှဉ်ချက် မဟုတ်ပါ၊ အကြွင်းမဲ့ဖြစ်ပါသည်။ သေဆုံးမှု မဟုတ်ပါ၊ ထာဝရရှင်သန်ခြင်း ဖြစ်ပါသည်။

အခြားအဓိပ္ပာယ်တခုအရဆိုလျှင် သက်ရှိထင်ရှား တိုက်ပွဲကာလ၌ သူတို့သည် လူပုဂ္ဂိုလ်များ ဖြစ်ကြပါသည်။ အမည်နာမကိုယ်စီ ရှိကြပါသည်။ လူမျိုးအသားအရောင် ခြားနားကြပါသည်။ ကျား၊ မလိင်ကွဲပြားပါသည်။ စရိုက်သဘာဝကိုယ်စီ ထွေပြားပါသည်။ အမှန်အမှား ဒွန်တွဲပါသည်။ မွေးဖွားခြင်း သေဆုံးခြင်းမကင်းပါ။ အကြွင်းမဲ့မဟုတ်၊ နှိုင်းယှဉ်ချက်ဖြစ်ပါသည်။ သို့ရာတွင် အဖိနှိပ်ခံလူသားအပေါင်း၏ တရားသောတိုက်ပွဲ ‘လုံ’ အတွင်းထည့်ကာ ဖိုကျင်ထိုး မီးပြင်းပေးလိုက်ပြီးနောက် အပေါ်ယံအကာ ချေးညှော်မှန်သမျှ ကွာကျ သန့်စင်သွားပါသည်။ ငရဲမီးအတင်ခံသော ဇမ္ဗူရာဇ်ရွှေစင်အဖြစ် ဘ၀ကူးသွားပါသည်။ ထိုအရာသည် ကြီးမြတ် သော မဟာအာဇာနည် ဖြစ်ပါသည်။

အာဇာနည်ကို ပုဂ္ဂိုလ်နှင့် ယှဉ်တွဲရှုမြင်ခြင်းဖြင့် အမည်နာမရှိသူ သူရဲကောင်းကို တွေ့နိုင်ပါသည်။ ကျနော်တို့ အတွက် အတုယူစရာ စံပြနမူနာပုဂ္ဂိုလ်များ ရရှိစေပါသည်။ သူတို့ကိုယ်သူတို့ ဘယ်လိုပြုပြင် တည်ဆောက်ခဲကြသည်၊ အမှားကိုဘယ်လိုမြင်ပြီး ဘယ်လိုပြင်ခဲ့ကြသည်၊ အခက်အခဲကို ဘယ်လို ကျော်နင်းခဲ့ကြသည် ဆိုသည့် ရပ်တည်မှု၊ အမြင်၊ နည်းနာများကို လေ့လာနားလည် လာစေနိုင်ပါသည်။

အာဇာနည်ကို လူပုဂ္ဂိုလ်နှင့် ခွဲခြားရှုမြင်ခြင်းဖြင့် အကောင်အထည်မဲ့သဘော ဖြစ်တည်လာပါသည်။ ကျနော်တို့၏ အခိုင်အမာ လက်တွေ့တိုက်ပွဲတွင်းမှ စုဆောင်းရရှိခဲ့သော တလောကလုံးဆိုင်ရာ အကောင်အထည်မဲ့ အမှန်တရားကို ပိုမိုကြည်လင် ပြတ်သားစွာ နားလည်လာစေနိုင်ပါသည်။ ရေရှည်သဘော၊ တခုလုံးသဘော၊ မုချသဘောတို့၏ ရှေ့နောက်ကြောင်းကျိုးဆီလျော်မှု တသီတတန်းကြီးအပေါ် ယုံကြည်စိတ်ချ နိုင်စွမ်း အားကောင်းလာစေပါသည်။

သူတို့သည် လက်တွေ့တိုက်ပွဲတွင်းမှ စုဆောင်းရရှိထားသော အမှန်တရားတို့ကို စာဖြင့်ဖြစ်စေ၊ နှုတ်ဖြင့်ဖြစ်စေ အာဝဇန်းရွှင်စွာ ပြန်လည်သင်ကြား ပြသနိုင်သူများ ဟုတ်ကောင်းမှ ဟုတ်မည်ဖြစ် သော်လည်း သူတို့၏ လက်တွေ့လုပ်ငန်းများဖြင့် အကောင်းဆုံး သင်ကြားပေးနိုင်သည့် ဆရာမြတ် များဖြစ်ပါသည်။ ကျနော်တို့ကသာ ကျိုးနွံစွာ သင်ယူလေ့လာဖို့ လိုပါသည်။

သူတို့သည် သူတို့ကိုယ်တိုင် ပါဝင်ဆင်နွှဲခဲ့သော တိုက်ပွဲရလဒ်များ ခံစားခွင့်မရမီ ကျဆုံးသွားနိုင်သည့်အဖြစ်ကို ကြိုတင်သိမြင်ထားကြသူများ ဖြစ်ပါသည်။ တိုက်ပွဲလမ်းခုလတ်၌ သူတို့၏ အရိုးပုံပေါ်တွင် အတ္တ၀ါဒီများ၊ သစ္စာဖောက် အချောင်သမားများက ခေါင်းပေါင်းစတလူလူဖြင့် အတ္တ နိဗ္ဗာန်ဘုံ တည်ဆောက်နိုင်စရာ ရှိမှုကိုလည်း သိမြင်နားလည်ခဲ့ကြသည်သာ ဖြစ်ပါသည်။ ထိုအဖြစ်မျိုးသည် ကြေကွဲဖွယ်ရာ အထောင်၊ အသောင်းအနက် ကြေကွဲဖွယ်အကောင်းဆုံး၊ နာကြည်း ဖွယ်ရာ အထောင်၊ အသောင်းအနက် နာကြဉ်းဖွယ် အကောင်းဆုံးဖြစ်သည့်တိုင် အောင်ပွဲအတွက် အသက်စွန့်ပေးလှူရန် နောက်ဆုံးပိတ် အာဇာနည်တဦး လိုအပ်နေသည် ဆိုလျှင် ထိုလိုအပ်ချက်ကို ဖြည့်ဆည်းပေးရန် အသင့်ရှိနေသူများ ဖြစ်ပါသည်။

ရုရှားစာရေးဆရာကြီး မက်ဇင်းဂေါ်ကီ၏ အမေကြီး အိုအီဇာဂျယ်ပုံပြင်ထဲမှ အာဇာနည် ဒန်ကို ၏ တိုက်ပွဲဝင် အောင်ပွဲခံ စိတ်ဓာတ်ဖြင့် သက်ဝင်လှုပ်ရှားနေသော ပုံရိပ်ကို အာရုံပိတ်ကားပေါ်မှာ ထင်မြင်ကြည့် လိုက်ကြစမ်းပါ ဒုက္ခနွံအိုင်ထဲက ဘ၀တူလူသားတို့ အပေါ်ထားရှိသည့် ဟင်းလင်းပြင်လို ကျယ်ပြောနက်ရှိုင်းသော မေတ္တာစိတ်ကြောင့် ကြယ်တစင်းလို လင်းနေသော နှလုံးသားရှိသူ၊ ရင်ကိုခွဲ၍ နှလုံးသား မီးအိမ်နီကို ဆွဲထုတ်ကိုင်မြှောက်ကာ ပူပန်ငိုကြွေးနေသော လူသားအပေါင်းအား လမ်းပြရှေ့ဆောင် ခဲ့သူ၊ ဘေးဒုက္ခအပေါင်းမှ လွတ်မြောက်ပြီးနောက် ပန်းတိုင်အရောက် လဲကျသေဆုံးချိန်၌ သူ့နှလုံးသား မီးအိမ်ကို ငြိမ်းသတ်ရန် ခြေဖြင့်နင်းချေခဲ့သော စက်ဆုပ်ရွံရှာဖွယ် အမည်မသိလူတယောက်။ သို့တိုင် နှလုံးသားအလင်းသည် ငြိမ်းသေမသွားရုံမက စတက်မြက်ခင်းပြင်ကြီးအနှံ့ ပြန့်သွားခဲ့သည့် အဖြစ်။ ပုံပြင်နိဂုံးသည် နိဂုံးနှင့်မတူဘဲ ဂုဏ်ယူလေးနက်ဖွယ်ရာ၊ တက်ကြွဖွယ်ရာ၊ စက်ဆုပ်နာ ကြည်းဖွယ်ရာတို့ဖြင့် ကမ္ဘာကုန်ကျယ်သရွေ့ ကဆုန်စိုင်းပြေးလွှား စီးဆင်းနေတော့မည့် တောင်ကျ ရေတံခွန်တခု၏ နိဒါန်းအစလို။
အောင်ပွဲဥယျာဉ်မုခ်ဦးသို့ ရောက်သည်နှင့် အရေးတော်ပုံအတွက် ရက်ရောစွာ အသက်ပေး လှူခဲ့ကြသူ အာဇာနည် အပေါင်းအား မေ့လျော့ပစ်လိုက်ကြသူများ၊ မေ့လျော့ပစ်လိုသူများ၊ အာဇာနည်တို့၏ အရိုးပုံပေါ်တွင် အတ္တနိဗ္ဗန်ဘုံတည်ဆောက်ကြသူ ကိုယ်ကျိုးရှာသမားများ၊ သစ္စာဖောက် အချောင်သမားများ ဤကမ္ဘာ မြေပြင်ပေါ်တွင် အမှန်တကယ်ပင် ရှိကြပါသည်။

ထိခိုက်နာကျင်ဖွယ်ရာ ထိုဖြစ်ရပ်မျိုးအတွက် လေးနက်ပြည့်စုံ၍ ထိုက်တန်တည်ကြည်သော စကားလုံးတလုံး၊ ၀ါကျတကြောင်း ရေးပြရန်မှာ လွန်စွာခက်ခဲလှပါသည်။

သို့သော်..ကိစ္စမရှိပါ။

ကိုယ်ကျိုးရှာသမားတို့သည် သူတို့၏ ပစ္စုပ္ပန်ခဏအတွက် မအောင်မြင်သော ခိုးယူခြင်းဖြင့် အနာဂတ်ကို ခိုးယူရန် ကြံစည်ကြရင်း အတိတ်၏ အညစ်အကြေးနွံအိုင်ထဲ၌ လဲကျသေဆုံး ရမြဲဖြစ်ပါသည်။

ကိုယ်ကျိုးစွန့်သူများကမူ သူတို့၏ကိုယ်ပေါ်မှာ အတိတ်၏ဖုံမှုန့်များကို ပုတ်ခါသန့်စင်လျက် တောက်ပသော အနာဂတ်အတွက် ပစ္စုပ္ပန်၌ မွေ့လျှော်ရှင်သန် တော်လှန်နိုင်စွမ်း ရှိကြသူများ ဖြစ်ပါသည်။

မြတ်နိုး
(၁၄၊ ၁၂ ၊၂၀၀၅ ခေတ်ပြိုင် အွန်လိုင်းမဂ္ဂဇင်းမှ)

No comments: